ابوذيات من نوع خاص

غرامك صار الي معبد وقبله
وارضه بكل نقد منك واقبله
وابوس الصخر واشتمه واقبله
لان قاسي مثل كلبك عليه

يروحي بطلي المعاشر وعودي
سباني ونحل اعظامي وعودي
اني الماخنت مرة وعودي
عجب ليش الحبيب يخون بيه

الك ضيم واسئ بروحي والك ثار
وعليك من القهر كلبي ولك ثار
اذا ثار الك عندي ولك ثار
اذن عشرتنه صارت طائفيه

يصاحب لاتظن مسرور بعداك
وعسى سم الزهر يندار بعداك
شيطفي الكلب من نار بعدك
يطفيها الوكت من ترد ليه

غيابك فتت المهجة وسلها
وسهم هجرك مرد روحي وسلها
نجوم الليل حلفها وسلها
حرام النوم عكبك مر علية

سهامك وصلن لكلبي ولاحن
وكلبك ما بجى لحالي ولا حن
بليالي العيد لاافرح ولاحن
لجلك يلكطعت الوصل بيه

أكتبلي شماردت تكتب وأردلك
أزعل وابتعد وامشي و أردلك
بساتين بوسط كلبي ورد لك
يابحر الاخوه الصافي ميه

الك ياما نبض كلبي ودكلك
واطحن بالحجي ناعم وادكلك
شكدباليوم ارمشلك وادكلك
درمش بالجذب مره عليــــه

عيوني من الهجر ملت وسالت
وعليه احباب ما نشدت وسالت
الف دمعه جرت مني وسالت
ولا دمعه جرت منكم عليه

امس وانه برغد نومي .. طفت بيك
مثل ما طوفن بروحي ..طفت بيك
ابشرك لنار البكلبي .. طفت بيك
وشعل شمع لو جابوك اليه

غاب الكمر من شافك ولا هل
ولغيرك ما نزل دمعي ولا هل
مالي دار من بعدك ولا هل
عزيز ويصعب فراكك عليه

حياتي عكب شخصك شلي بية
وجميع اعضاي صارت شلل بية
توديلي رسايل شلي بية
اريدن شوفتك والكعدة سويه

حياتي عكب شخصك شلي بية
وجميع اعضاي صارت شلل بية
توديلي رسايل شلي بية
اريدن شوفتك والكعدة سويه

يصاحب لاتظن مسرور بعداك
وعسى سم الزهر يندار بعداك
شيطفي الكلب من نار بعدك
يطفيها الوكت من ترد ليه

الك ضيم واسئ بروحي والك ثار
وعليك من القهر كلبي ولك ثار
اذا ثار الك عندي ولك ثار
اذن عشرتنه صارت طائفيه

يروحي بطلي المعاشر وعودي
سباني ونحل اعظامي وعودي
اني الماخنت مرة وعودي
عجب ليش الحبيب يخون بيه

غرامك صار الي معبد وقبله
وارضه بكل نقد منك واقبله
وابوس الصخر واشتمه واقبله
لان قاسي مثل كلبك عليه