مالومك حبيبي .. هواي ضحيت .. قصيدة حلوة

حبايبي اعضاء المنتدى ..

قصيدة اعتز بيهة .. واحبهة .. ويارب تعجبكم ..

ان شاء الله المتعة والفائدة والتالق .. مع اسرة هذا المنتدى ..


مالومك


مالومك حبيبي .. إهواي ضحيّت
أو وفي الآخر دقيقة أوياي ضليّت

تحملت الملامه أمن أقرب الناس
أو عنّي أشچم سهم مسموم صديّت

مو بيدك ولابيدي الجره أو صار
الزمن ما راد يجمعنه أبفرد بيت

يزفونك حبيبي الغيري وشلون
أحس كلّي أعله بعضي إبنار وجيّت

ترن بذني الهلاهل وأفز مرعوب
وجمر بعيوني يتطشّر الچكليت

على صوت الموسيقى أهلك يغنون
وأنا بطور الحزن مذبوح غنيت

ومتحنية العواذل ، مو فرح غيض
وأنت بيا جرح منهن تحنيّت

گبل ليله أسألتني وگتلك إتهون
وبست گلبك إبحرگه أو بيه وصيّت

ومشي الباب الحوائج رحت ملهوف
إحضنت عتبة الباب أو يمهه صليّت

أدعي والدمع بلّل الشباچ
ومدري أشچم علگ بالعروه شديّت

من باچر بعد تطفه المواعيد
ودع الله الصبر لو إلك حنيّت


تحياتي الكم جميعا