يا الرايد رضى الرحمن للطف لو رايد توصفه
جرح يدي بنزف شريان وطول العمر ما يشفه
كَمر يم النهر مطروح وحسين يعاين لجفه
وطفل بيد الحسين يموت رضيع وسهم في نحره
وابن الحسن ذاك اليوم صارت حنته دمه
وعقيله حيدر الكرار بين الدمع والاهات والحسره
عزيز الزهرة والأطهار
يابو اليمه يابو الأحرار
يبن حيدر علي الكرار
انه كَلبي عليك ظل محتار .... وكل ليلة يون وينوح
رويت الدين من نحرك
وعطش ضامي يحز جبدك
خذت صبرك من عزم جدك
ولا واحد وصل حدك .... وصار أسمك سفينه نوح
وبالنار الغدر حركوها الخيم
وبسياط الكفر ضربوها الحرم
وبأل النبي خصمك ما رحم
ودمعك نــــزل دم والم .... وظلت عيونك ترد وتروح
ولصوب المشرعه وبارض الطفوف
تسمع الاخبار وأصعب هالظروف
من عباس الكَمر مكَطوعه الجفوف
يا حسين وبعينك تشوف .... جسمه علة الثرى مطروح
وعجيبه شلون تظل تصبر
وتشاهد شبلك الاكبر
شبيه المصطفى الاطهر
و وارث والدك حيدر .... مذبوح والجسم كله جروح
وبعد عندي خبر أصعب
سهم الكفر من صوب
رضيعك بالدمى مخضب
وظلت امه بس تنحب .... ومصيوب النحر مجروح
وسمعت الصوت يا بني ادم
أنشدوني علة ابن امي ياهلوادم
انــه زينب عقيله بني هاشم
بس كون حسين يرد سالم ... وأشم عطر الرسالة يفوح
يا زينب ابو اليمه يصد عدوان
مصيوب بسهم والكَلب عطشان
وحيـــد بساحه الميــدان
لا صاحب ولا خِـــــوان .... وطفله من النحر مذبوح
تعجبني وحرت بأمرك
يا مظلوم شكَبر صبرك
تقدم اصحابك و ولدك
واعز اخوان فدى لربك ..... وبالأخر فديت الروح
.............
يا حسين النصر بأسمك
نصرت الديـن من دمك
يوم الحشر وعدل ربك
يــوكف ينظرك جدك
ويعاتب امتــه لأجلك
ويعاقب من ساهم بقتلك
والشمر الي كَطع نحرك
وبطاغوت العصر وتمسك
وأبن مرجانه هــم يهلك
والملعون الصوبه لطفلك
وكـــــلمن ساهم بسبيك
وبالخيل السحكـَ صدرك
لحد ما هشموا ضلعك
والكَوم السلبوا هدمك
والحركَوا خيـــم اهلك
وحكـ َ جدك
كلمن عددت هاليـــوم
من ذاك العصر لليوم
بنــار الاخــــرة يهلك
وحكـ َ جدك
يا حسين النصر بأسمك
