السلام عليكم
احلى واجمل الابوذياااااااات لأجمل اعضاء منتديات طيور المحبه
________________________________________
عليك القيت حجة والقيامة
يا ما براسك احجي والقيامة
تدري الحشر يمتة والقيامة
القيامة والحشر من تزعل عليه
___________________________________
سيف الدهر خلاني بلادين
وابعدني عن اهلي بلادين
صبحت مطلوب للعالم بلادين
وحتى الردي يهز يده علية
____________________________________
أنا المجروح من ناسي وخلي
واجيب الملح لجروحي واخلي
راح أفتح قفل گلبي واخلي
المابچه يبچي عليه
_______________________________________
كلبي صار بسمك يعني مالك
وشنهو اللي بقالك عندي مالك
عشت بقصر حبك وانته مالك
ورضيت بجورك وضلمك عليه
_____________________________________
حلات الشعرلوبالريح يفراك
وكتلنه الهجر يمته الفرج يفراك
تجي لوما تجي مابعد يفراك
الفرق لمن ترد العمر ليه
____________________________________
عرفتك وعرفت لغزك وحلاك
وحق من جملك يسمر وحلاك
چذب من ايدي اهدنك واحلاك
لانك روح وفراكك منيه
__________________________________
قدر مكتوب حبك وانت قسمة
الواحد مالة ناتج من تقسمة
لون بسيوف كلبي من تقسمة
دشوف معزتك شنو مسوية بيه
________________________________________
يصاحب لاتظن مسرور بعداك
وعسى سم الزهر يندار بعداك
شيطفي الكلب من نار بعدك
يطفيها الوكت من ترد ليه
________________________________
احبه وما احب واحد بدالة
وياذنب البدة مني وبدالة
الك منصوب بكليبي بدالة
خطك على النبض يشتغل بيه
_____________________________________
علي كالو شمالك بستغني
من الموال بسك بسته غني
كافي بعد اسكت بس تغني
انه انجنيت مايدرون بيه
_____________________________
ذهب كالو عليك شلون فضه
وكلبك يالحلو وياي فضه
حجي العذال لا تطريه فضه
وعوف الكال والكالو عليه
__________________________
تره المكتوب يسمر موبدينه
وعليكم دمع صافي موبدينه
تكول احنه انتهينه موبدينه
ونهايتنه غفل صارت سويه
___________________________
عجيبة تريد تنساني وانة اسلاك
اظنك لاگي من غيري ونس لك
أريد اعرف شنو اصلك ونسلك
وشنو انتة يبو اطباع الردية
