قصتي مع البزونه
--------------------------------------------------------------------------------
السلام عليكم
طبعا هذا اول موضوع الي بقسم الحشاشه
واليوم اتذكرت موقف ايضحك صار بيه قبل ما ادري جم سنه يعني بعهد صدام
القصه انو فد يوم طفت الكهرباء بالليل صعدنه انام بالسطح وتقريبا الساعه ب3 واني بسابع نومه جان اسمع صوت شخير واحس شي نايم بصفي وطبعا اني كلش خوافه ضليت تقريبا نص ساعه جامده بالفراش ما اكدر اتحرك من الخوف ضليت اتخيل افلام رعب والوحوش وما اعرف شنو كلت بس اتحرك ياكلني الوحش ضليت حته اتنفس على كيف وافكر شلون اخلص نفسي من هذا الشي الي بصفي الي ما اعرفه شنو واخيرا خطرت على بالي فكره اصرخ بكل حسي خاطر تكعد كل العائله ويخلصوني وما يلحك ياكلني جان اخذت نفس قوي وصرخت بكل صوتي ورفعت راس من المخده واشوف البيت كلهم ضلوا واحد يطك بالثاني يركضون ما يعرفون شنو السالفه واخوي الازغر مني شمر نفسه من السطح وخواتي كامن يصرخن ما يدرن شنو السالفه واخوي الجبير نزل يجيب سلاح من البيت حسباله حرامي وكل هذ اني كعدت بس اتفرج عليهم وهمه واحد يطك بالثاني وما يعرفون شنو السالفه وما اطول عليكم السالفه ساعه يلا هده الجو جان خواتي حصلن كتله من اخوي حسباله هنه الي صرخن وعلى ما سئلو طلعت بزونه جايه ونايمه يمي والمسكينه من الصرخه نفشت شعرها وكامت تركض وتوكع هيه هم اتفاجئت ما تعرف شنو السالفه واليوم اختي ذكرتني بيهه وحبيت اضحكم شويه
